එක්සත් ජාතික පක්ෂයේ නායක රනිල් වික්‍රමසිංහගේ නායකත්වයෙන් පසුගිය මහ මැතිවරණයට තරග කළ සිලින්ඩරය ලකුණ යටතේ පාර්ලිමේන්තුවට තේරී පත් වූ රවී කරුණානායක මහතා, පළාත් පාලන මැතිවරණය සඳහා සමගි ජන බලවේගය සමඟ කටයුතු කිරීමට සූදානම් බව වාර්තා වේ.
තමා සමග කටයුතු කරන ප්‍රාදේශීය සංවිධායකයින් කිහිප දෙනෙකු සමගි ජන බලවේගයේ කොළඹ මහ නගර සභා අපේක්ෂකයන් ලෙස ඉදිරිපත් කිරීමට රවී කරුණානායක මහතා සාකච්ඡා කර ඇත. ඒ අනුව, ඔහු සමග කටයුතු කළ හිටපු නගර සභා මන්ත්‍රීවරුන් ඇතුළු පිරිසකට සමගි ජන බලවේගය යටතේ කොළඹ මහ නගර සභාවට තරග කිරීමට අවස්ථාව හිමි වී තිබේ.
එක්සත් ජාතික පක්ෂයේ උතුරු කොළඹ ආසනයේ සංවිධායක ලෙස කටයුතු කළ රවී කරුණානායක මහතා වෙනුවට වෙනත් පුද්ගලයෙකු එම තනතුරට පත් කිරීමට එක්සත් ජාතික පක්ෂය කටයුතු කරමින් සිටින බව වාර්තා වේ.
[අනිද්දා පුවත්පත් වාර්තාවක් ඇසුරිනි]