ඉන්දියාවේ රාජස්තාන් ප්‍රාන්තයේ ගූගල් සිතියමේ වැරදි මාර්ගයක් අනුගමනය කරමින් රාත්‍රී කාලයේ වසා තිබු පාලමකින් ගමන් කළ වෑන් රථයක් ගඟට වැටී සිව්දෙනෙක් මියගොස් තිබෙනවා.
එලෙස මියගොස් ඇත්තේ දරුවන් දෙදෙනෙක් සහ කාන්තාවන් දෙදෙනෙක්.
අනතුරින් තවත් පස්දෙනෙක් දිවි බේරාගෙන තිබෙනවා.
ඔවුන් මෙම අනතුරට ලක්වුණේ, ආගමික චාරිකාවකට ගොස් ආපසු එමින් සිටියදී යි.
බනාස් ගඟ හරහා ඉදිකළ මාස කිහිපයක් වසා දමා තිබූ සෝමි-උප්‍රේඩා පාලම මතින් ගමන් කිරීමේදී ඔවුන් මෙම අනතුරට ලක්වී තිබෙනවා.