ඇමෙරිකානු රජය විසින් කැලිෆෝනියා දිස්ත්‍රික් නියෝගාධිකරණය වෙත ඉදිරිපත් කරන ලද දිවුරුම් ප්‍රකාශයකින් 2019 පාස්කු ඉරිදා ප්‍රහාරයේ මහ මොළකරු සහරාන් හෂිම් බවට හඳුනාගෙන තිබේ.
මෙම දිවුරුම් ප්‍රකාශය ඉදිරිපත් කර ඇත්තේ FBI විශේෂ නියෝජිත Merrilee R. Goodwin විසිනි. එය පාස්කු ප්‍රහාරයෙන් පසුව ඇමරිකානු එෆ්බීඅයි ආයතනය විසින් කරන ලද පුළුල් විමර්ශනයක ප්‍රතිඵලයක් ලෙස ඉදිරිපත් කර ඇති අතර, එහිදී වෝහාරික විශ්ලේෂණ, සමාජ මාධ්‍ය වාර්තා සහ සාක්ෂි ඇතුළත් විය.
දිවුරුම් ප්‍රකාශයෙන් හෙළි වී ඇත්තේ සහරාන් හෂිම් ශ්‍රී ලංකාව තුළ ISIS විසින් පිළිගත් ස්ථාන පිහිටුවා ගත් බවත්, ISIS නායකත්වයෙන් අනුමැතිය ලබාගෙන ක්‍රියා කළ බවත්, බෝම්බ ප්‍රහාර සැලසුම් කිරීම, පුහුණු කිරීම සහ ක්‍රියාත්මක කිරීම සඳහා සෘජුවම සම්බන්ධ වූ බවත්ය.
2019 අප්‍රේල් 21 වන දින කොළඹ, මීගමුව සහ මඩකලපුව යන නගරවල පල්ලි තුනක් සහ සුඛෝපභෝගී හෝටල් හතරක් ඉලක්ක කර ගනිමින් මෙම ත්‍රස්ත ප්‍රහාර එල්ල කරන ලදී. මෙම ප්‍රහාරවලින් පුද්ගලයින් 268 දෙනෙකු මිය ගිය අතර ඇමරිකානු පුරවැසියන් පස් දෙනෙකු ද ඇතුළත් විය. තවත් 500කට අධික පිරිසක් තුවාල ලැබූහ.
දිවුරුම් ප්‍රකාශය මගින් මෙම ප්‍රහාරයට සම්බන්ධ තවත් පුද්ගලයින් තිදෙනෙකු වන මොහොමඩ් නවුෆර්, මොහොමඩ් අන්වර් මොහොමඩ් රිස්කාන් සහ අහමඩ් මිල්හාන් හයාතු මොහොමඩ් යන අයගේ නම් හෙළි කර ඇත. ඔවුන්ට ත්‍රස්තවාදී කණ්ඩායමකට සහාය වීම සහ ත්‍රස්තවාදී පුහුණුව ලබා ගැනීම සම්බන්ධ චෝදනා එල්ල වී තිබේ.
නවුෆර්, “දෙවන අණදෙන නිලධාරියා” ලෙස සැලකෙන අතර, බඳවා ගැනීම්, ප්‍රචාරණ කටයුතු සහ විධිමත් පුහුණු සැසි සංවිධානය කිරීම සම්බන්ධයෙන් FBI විසින් හඳුනාගෙන තිබේ.
Sorry Mr. America. You are wrong. I had informed you well in advance to the Easter Sunday attach that the then President MAITHRIPALA was trying to execute an attack. I informed about it to many countries. So whatever America (FBI or CIA) says now, it is irrelevant to other countries. They don’t care you.