වැඩතහනම් කර ඇති පොලිස්පති දේශබන්දු තෙන්නකෝන් මහතා තම ධූරයෙන් ඉල්ලා අස්වීමට සූදානම් වන බව වාර්තා වේ.
ඔහුට එරෙහිව පාර්ලිමේන්තුවේ විශ්වාසභංග යෝජනාවක් ගෙන ඒමට නියමිතව ඇති අතර, එම යෝජනාව විවාදයට ගැනීමට පෙර ඔහු ඉල්ලා අස්වීමට ඉඩ ඇත.
ඔහුගේ හිතවතුන් පොලිස්පතිවරයාට උපදෙස් දී ඇත්තේ විශ්වාසභංග යෝජනාව සම්මත වී තනතුරින් ඉවත් කිරීමට පෙර ඉල්ලා අස්වීම වඩාත් සුදුසු බවයි.
දැනට බෝගම්බර බන්ධනාගාරයේ රඳවා සිටින තෙන්නකෝන් මහතා එළඹෙන තුන්වන දින දක්වා රක්ෂිත බන්ධනාගාරගත කිරීමට අධිකරණය නියෝග කර ඇත.