ඉන්දීය අග්‍රාමාත්‍ය නරේන්ද්‍ර මෝදි 2025 අප්‍රේල් 4 සිට 6 දක්වා ශ්‍රී ලංකාවේ සංචාරයක් සිදු කිරීමට නියමිතය. මෙම සංචාරය අතරතුර ද්විපාර්ශ්වික සහයෝගීතාව වැඩිදියුණු කිරීම ඉලක්ක කරගත් අවබෝධතා ගිවිසුම් කිහිපයක් අත්සන් කිරීමට නියමිතය.
මෙම ගිවිසුම් අතරින් ඉන්දු – ලංකා විදුලි ජාල සම්බන්ධතා ව්‍යාපෘතිය කැපී පෙනේ. මෙම ව්‍යාපෘතිය මගින් ශ්‍රී ලංකාවේ මන්නාරම සහ දකුණු ඉන්දියාව අතර සබ්මැරීන් කේබලයක් හරහා සම්බන්ධ කිරීමට සැලසුම් කර ඇත.
මෙම ව්‍යාපෘතිය හරහා ශ්‍රී ලංකාව බලශක්ති මධ්‍යස්ථානයක් බවට පත් කිරීම සහ අතිරික්ත පුනර්ජනනීය බලශක්තිය ඉන්දියාවට සහ කලාපයේ අනෙකුත් රටවලට අපනයනය කිරීමට හැකි වනු ඇති බව ශ්‍රී ලංකා විදේශ අමාත්‍ය විජිත හේරත් මහතා ප්‍රකාශ කළේය.