ජාතික ජන බලවේගයේ ජනාධිපති අපේක්ෂක අනුර දිසානායක මහතා පවසන්නේ තරුණ ව්‍යවසායකයින් හට ඇප රහිතව ණය ලබා ගැනීමේ ක්‍රමයක් ඇති බවයි. ඒ සඳහා ව්‍යාපාර සැලැස්මක් ඉදිරිපත් කර කර්මාන්ත අමාත්‍යාංශයෙන් සහතිකයක් ලබා ගත යුතුය.
කෙසේ වෙතත්, මහ බැංකු අධිපති නන්දලාල් වීරසිංහ මහතා පෙන්වා දෙන්නේ ඇප රහිත ණය යනු රජය ඇපකරු ලෙස කටයුතු කරන බවයි. එවිට ණය නොගෙවන්නේ නම් බදු ගෙවන්නන්ගේ මුදලින් එය ගෙවීමට සිදුවන බව ඔහු පවසයි.
මේ පිළිබඳව මූල්‍ය හා ආර්ථික විශේෂඥයින් පවසන්නේ අඩු පොලී ණය යෝජනාව යහපත් වුවත්, ඇප රහිත ණය යෝජනාව අවදානම් සහිත බවයි. එය ජනප්‍රිය තීරණයක් වුවත්, එහි ප්‍රායෝගික භාවය ගැන සිතා බැලිය යුතු බව ඔවුන්ගේ අදහසයි.
මේ අතර ගවයන් සඳහා අවශ්‍ය වන තණකොළ සහන මිලට අලෙවි කිරීමේ වැඩපිළිවෙළක් ජාතික පශු සම්පත් සංවර්ධන මණ්ඩලය ආරම්භ කර තිබේ.
ඒ අනුව ගව පාලනයේ නිරත වන ගොවීන්ට රුපියල් පහළොවක් බැගින් තණකොළ කිලෝවක් අලෙවි කරයි.
මෙසේ අලෙවි කරන්නේ සෝගම් නමැති තණකොළ විශේෂය වන අතර එම තණකොළ වර්ගය සඳහා ගව පාලනයේ නියුතු ගොවීන්ගෙන් විශාල ඉල්ලුමක් පවතී.
මෙම තණ විශේෂය නිෂ්පාදනය කිරීමේදී රුපියල් 11ක පිරිවැයක් වැය වන බවද පවසන මණ්ඩලය මේවා මණ්ඩලයට අයත් ගොවිපළවල් කිහිපයක වගා කෙරෙමින් ඇති බවද කියා සිටී.
ඊට අමතරව පැවෝන් නම් තෘණ විශේෂයද කිලෝවක් රුපියල් දහතුනක් වැනි මුදලකට අලෙවි කිරීමටද කටයුතු යොදා ඇත.