ප්‍රමිතියෙන් තොර ඖෂධ ගෙන්වීම සඳහා ඉන්දීය සමාගමක නම යෝජනා කර ඇත්තේ හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාගේ උපදෙස් මත බව සෞඛ්‍ය අමාත්‍යාංශයේ නිලධාරීන් විසින් පොදු ව්‍යාපාර පිළිබඳ පාර්ලිමේන්තු කාරක සභාව හමුවේ අනාවරණය කරන ලදී.
අදාළ සෞඛ්‍ය අංශ නිලධාරීන් කෝප් කමිටුව හමුවට කැඳවා ප්‍රශ්න කිරීමේදී මෙම තොරතුරු අනාවරණය විය.
ඖෂධ ගෙන්වීම සඳහා සේවරිට් සමාගම ඇතුළත් කිරීමට උපදෙස් දුන්නේ ලේකම්වරයා බවත්, ලේකම්වරයාට උපදෙස් දුන්නේ කෙහෙළිය රඹුක්වැල්ල අමාත්‍යවරයා බවත් අමාත්‍යාංශ නිලධාරියෙක් පැවසීය.
මෙම සැපයුම්කරු කෙහෙළිය රඹුක්වැල්ල අමාත්‍යවරයාට යෝජනාවක් දී තිබූ බව සෞඛ්‍ය අමාත්‍යාංශයේ හිටපු ලේකම් ජනක ශ්‍රී චන්ද්‍රගුප්ත මහතා පැවසීය.
වෛද්‍ය සැපයුම් අංශයේ ඖෂධ 151ක් සහ ශල්‍ය වෛද්‍ය උපකරණ 5278ක් ශුන්‍ය මට්ටමක පවතින බවට තොරතුරු තිබුණේ දැයි කෝප් කමිටුවේ සභාපති පාර්ලිමේන්තු මන්ත්‍රී නිශාන්ත සමරවීර මහතා විමසීය.