ශ්‍රී ලංකා යුද හමුදා බුද්ධි අංශය විසින් 2002 වසරේ දී අතුරුගිරිය මිලේනියම් සිටි නිවාස සංකීර්ණයේ පවත්වාගෙන ගිය ආරක්ෂක නිවස්නයක් පිළිබඳ තොරතුරු ප්‍රසිද්ධ කිරීම හේතුවෙන් ජාතික ආරක්ෂාව අනතුරට පත් කළ බවට චෝදනා කරමින් ගොනු කර තිබූ නඩුවකින් මහනුවර හිටපු සහකාර පොලිස් අධිකාරී කුලසිරි උඩුගම්පොළ මහතා නිදොස් කොට නිදහස් කර තිබේ.
මෙම නියෝගය කොළඹ මහාධිකරණය විසින් දෙනු ලැබ ඇත්තේ වසර විස්සකට ආසන්න කාලයක් පුරා පැවති දීර්ඝ නඩු විභාගයකින් අනතුරුවය.
නීතිපතිවරයා විසින් ගොනු කරන ලද මෙම අධිචෝදනාවල දැක්වුනේ, උඩුගම්පොළ මහතා විසින් අදාළ තොරතුරු ප්‍රසිද්ධ කිරීම හේතුවෙන් ජාතික ආරක්ෂාව අනතුරට ලක්ව ඇති බවත් ඒ තුළින් රාජ්‍ය නිල රහස් පනත යටතේ වරදක් සිදු කර ඇති බවත්ය.