ගුවන් හමුදාපති එයාර් මාර්ෂල් සුදර්ශන පතිරණ මහතා පවසන්නේ වාරියපොළ ගුවන් අනතුර සම්බන්ධයෙන් වැරදි තොරතුරු සමාජගත වෙමින් පවතින බවයි. ඔහු පෙන්වා දෙන්නේ අනතුර පිළිබඳ විමර්ශන තවමත් සිදුවන බවත්, වාර්තාව නිකුත් කර නොමැති බවත්ය.
ආරක්ෂක නියෝජ්‍ය ඇමති අරුණ ජයසේකර මහතා ද තහවුරු කරන්නේ කඩා වැටුණු ශ්‍රී ලංකා ගුවන් හමුදා පුහුණු ගුවන් යානය පිළිබඳ පරීක්ෂණ කමිටු වාර්තාව තවමත් ලැබී නොමැති බවයි. වාර්තාව ලැබුණු පසු එහි නිර්දේශ අනුව කටයුතු කරන බව ඔහු සඳහන් කළේය.
කෙසේ වෙතත්, ඇමති බිමල් රත්නායක මහතා ප්‍රකාශ කර ඇත්තේ අදාළ විමර්ශන වාර්තාවට අනුව අනතුර සිදුව ඇත්තේ ආධුනික නියමුවන්ගේ අත්වැරදීමකින් බවයි.