දුම්බර බන්ධනාගාරයේ රඳවා සිටින හිටපු පොලිස්පති දේශබන්දු තෙන්නකෝන් මහතා විසින් බන්ධනාගාරයෙන් ලබා දෙන ආහාර වෙනුවට පිටතින් ආහාර ගෙන ඒමට අවසර ඉල්ලා ඇත.
ඒ අනුව ඔහුට තුන් වේලම ගෙදරින් කෑම ගෙන ඒමට බන්ධනාගාර අධිකාරීවරයා අවසර ලබාදී තිබේ.
බන්ධනාගාර දෙපාර්තමේන්තුවේ කොන්දේසිවලට අනුකූලව ආහාර ගෙන ඒමට අවසර ඇති බවත්, බන්ධනාගාර අධිකාරීවරයා විසින් නියම කරන වේලාවට ආහාර ගෙන ආ යුතු බවත් බන්ධනාගාර කොමසාරිස් ගාමිණී දිසානායක මහතා පවසයි.
තෙන්නකෝන් මහතාට පිටතින් ආහාර ගැනීමට අවසර ලැබීමත් සමඟ බන්ධනාගාරයෙන් ආහාර සැපයීම නවතා දමන බවද බන්ධනාගාර කොමසාරිස්වරයා වැඩිදුරටත් සඳහන් කළේය.