හිටපු ජනාධිපති මෛත්‍රීපාල සිරිසේන මහතා පවසන්නේ තමන් කිසිවෙකුට නඩු නොදැමුවත් තමාට විරුද්ධව 400 පමණ නඩු පවරා ඇති බවත් ලොව වැඩිම නඩු ප්‍රමාණයක් ඇති පුද්ගලයා තමන් බවත්ය.
තමන් සදාකාලිකව ජීවත් නොවන බවත් තමා මිය ගිය දිනයක මෙම නඩු ද අවසන් වනු ඇති බවත් දේශය පුවත්පත සමඟ සම්මුඛ සාකච්ඡාවකදී ඔහු ප්‍රකාශ කර ඇත.
තවද, මහත්මා ගාන්ධි, ඒබ්‍රහම් ලින්කන්, බණ්ඩාරනායක මහතා වැනි දේශපාලන දාර්ශනිකයන් ඝාතනය කළාක් මෙන් තමන්ගේ දේශපාලන ප්‍රතිපත්තියද පිරිසක් විසින් වෙඩි තබා ඝාතනය කර ඇති බව මෛත්‍රීපාල සිරිසේන මහතා වැඩිදුරටත් පවසා ඇත.