ජාතික රූපවාහිනියේ සභාපති ගිහාන් ද සිල්වාගේ මවගේ අභාවය පිළිබඳ පුවත වාර්තා කිරීම සඳහා ජාතික රූපවාහිනියේ ප්‍රධාන ප්‍රවෘත්ති විකාශයේ මිනිත්තුවකට වැඩි කාලයක් වෙන් කර තිබූ බව සන්ඩේ ටයිම්ස් පුවත්පත වාර්තා කර ඇත.
මෙම පුවත වාර්තා කිරීමේ දී, සභාපතිවරයාගේ මවගේ දේහය පෞද්ගලික මල් ශාලාවක තැන්පත් කර තිබූ ආකාරය, එතැන් සිට දේහය කනත්ත දක්වා රැගෙන ගිය ආකාරය සහ කනත්තේ දී අවසන් කටයුතු සිදු කළ ආකාරය සෝබර සංගීතය සහිතව මිනිත්තුවකට වැඩි කාලයක් ජාතික රූපවාහිනියේ ප්‍රධාන ප්‍රවෘත්ති විකාශයේ විකාශය කර තිබේ.
මෙම අභාවය සභාපතිවරයාට, ඔහුගේ පවුලේ ඥාතීන්ට සහ අනෙකුත් සමීපතමයින්ට හැරුණු විට, පොදුවේ රටේ මහජනතාවට අදාළ වන්නේ කෙසේද යන්න පුවත්පත ප්‍රශ්න කරයි.