අදානි ග්‍රීන් එනර්ජි ශ්‍රී ලංකා සමාගම විසින් යෝජිත මන්නාරම් සුළං විදුලි බලාගාර ව්‍යාපෘතිය සම්බන්ධයෙන් ඉදිරියට ගත යුතු ක්‍රියාමාර්ග පිළිබඳව බලශක්ති අමාත්‍යාංශය සහ අදානි සමාගම අතර සාකච්ඡා පැවැත්වෙමින් පවතී.
මෙම ව්‍යාපෘතියෙන් ඉවත් වන්නේද නැද්ද යන්න දින 14ක් ඇතුළත දැනුම් දෙන ලෙස බලශක්ති අමාත්‍යාංශය අදානි සමාගමට දැනුම් දී තිබුණි. ඊට පිළිතුරු වශයෙන්, ගිවිසුම්ගත වීමේදී එකඟ වූ මුල් කොන්දේසි අනුව කටයුතු කිරීමට රජය කැමති වන්නේ නම්, ව්‍යාපෘතිය නැවත ආරම්භ කිරීමට තමන් සූදානම් බව අදානි සමාගම දැනුම් දී ඇත.
මෙම ව්‍යාපෘතිය යටතේ මෙගාවොට් 484ක සුළං විදුලි බලාගාර දෙකක් සහ අදාළ සම්ප්‍රේෂණ පද්ධතියක් ඉදි කිරීමට නියමිතය. තවද, කිලෝවොට් 220 සහ 400 ක සම්ප්‍රේෂණ ජාලකරණ පුළුල් කිරීමේ ව්‍යාපෘති දෙකක් ද ක්‍රියාත්මක කිරීමට නියමිතය.
මේ සම්බන්ධයෙන් පැවැත්වෙන සාකච්ඡාවලින් අනතුරුව බලශක්ති අමාත්‍යාංශය නිල ප්‍රතිචාරයක් ලබා දෙනු ඇත.